محلوظه : هتلاقوا كتير من الي هقولو منتشر في الفيس ولو سمحتوا اعملولها شير ..مش عشاني انا عشان ..الناس العقيمه الي بتعمل الصفحات والجروبات دي


----------------------------------------------------------------


بسم الله الرحمن الرحيم




كل ما اخش علي بروفايلي علي الفيس بوك ...اقول هو الناس دي مبتفكرش خالص ؟؟؟؟؟


واحد يقولي مبتفكرش في ايه ؟




اقولوا في الجروبات والصفحات التافهه الي معموله


مثال واحد فقيع : لو جمعنا 750000 هتعتزر الدينمارك عن اسائات الرسول


تعالوا نحلل البيدج : دلوقتي خلاص ...كل الدينمارك بشعبها ..وبكل حاجه ..وبحكومتها ..مستنيه البيدج


وقاعده مترقباه ..بيقوله يا رب متوصلش للعدد ده لحسن كده هنعتزر ؟؟؟؟


يعني مثلا هيحصل قرار لرئيس الوزراء ..يجي المساعد بتاعه ..يقول : يا فندم البيدج علي الفيس وصلت 750000


لازم نعتزر يا فندم .....يرد عليه رئيس الوزراء : طيب اعمل مظاهره وخلي الشعب يعتزر فورا ؟؟؟؟


ايه قمه التخلف ده ......لازم تعرف ان هدف الي عامل البيدج انه ينتشر وخلاص .....مش عايز حاجه تانيه


فكر شويه لما تشوف اعلان البيدج


______________________________________________________________


مثال اتنين افقع : لو جمعنا مليون وشويه ...الفيفا هتلغي ماتش الجزائر ...وتخلي المنتخب يصعد


خلاص بردو ......الفيفا ورئيس الفيفا وكل العاملين بيها ..قاعدين مستنيين صفحه الفيس .....لما تكمل




ويصدر قرار : قررنا نحن مديروا الفيفا الغاء متش الجزائر ..واعطاء المنتخب المصري ا لتأهل لكاس العالم


نظرا للصفحه الي علي الفيس ......................بالزمه ده كلام




الناس الي بتشترك في البيدجات دي ....مبتشغلش عقلها ولو لوهله ؟


_____________________________________________________


مثال تلاته والاشهر عالميا : تحداني يهودي ..تحداني امريكي ...تحداني سوداني....تحداني افغانستاني..


تحداني بروكينو فاسسي ...تحداني كولالامبوري






خلاص الراجل رايح لكل السفارات . الي في دولته ..ويخش للسفير ..يقوله والنبي هاتي واحد يتحداني عشان


اعمل بيدج علي الفيس بوك........


تحداني يهودي ان اجمع مليون مسلم .......طب وبعدين ؟؟؟؟؟ حصلك ايه انت بقي .....هتجمعهم تعمل بيهم ايه ؟؟؟؟؟


اي فتي وخلاص ........اي حد عايز ينتشر يعملك بيدج ...ويقولك تحداني - اي جنسيه - ان اجمع - اي عدد -


وكل خمس دقايق يشوف البيدج وصلت كام ......


يا لها من تفافهه وهرائات




_________________________________________________________________


المثال السياسي : هنجمع سبعين مليون عشان نلغي الجدار العازل




الجدار العازل ده فيه حاجات دوليه وسياسات اطلقت ..وحكومات واتفقايات ...واسمنت وحديد ومسلح




تفتكر كل ده هيقولو لالا يا جماعه الناس علي الفيس بوك قالوا منمبنيش..خلاص منبنيش ...شيل يابني الاسمنت من هنا


؟؟؟؟؟؟


مثال تاني : عايزين نجمع سبعه مليار ..عشان نطير الرئيس مش عارف مين من الحكم


خلاص ....الرئيس قاعد علي الفيس ..بيشوف البيدج ..ولما تكمل ..يقول لرئيس الوزراء


لالا خلاص انا همشي لحسن اتعملي صفحه علي الفيس بوك :S:S:S


_________________________________________


محلوظه هامه : محدش يقولي احنا بنعمل الي علينا ....وبنعبر عن الي جوانا ......والبتنجان الابيض ده


لو عايز تعبر عن الي جواك وتعمل الي عليك .....أعمل حاجه تحدث تغيير ايجابي ...مش تقعد تجمعلي في ناس


وخلاص ......السلبيه دي هيا اهم اسباب تخلف المجتمع العربي .......


وانا واثق ان تلت تربع الردود الي هتيجي عليا تقولي : هو انت مش عايزنا نعبر ..عملت ايه انت ...احنا بنطلع الي جوانا


______


يا رب اعني عليهم
______


هشام عفيفي

بسم الله الرحمن الرحيم


بينما كنت اشاهد ماتش مصر وموزمبيق


اذ جاء اعلان كوكاكولا .....الفتاييين بيشجعوا مصر


ورجعتلي كل ذكرياتي الي بلاقيها في الشارع المصري..طول منا ماشي فيه


ومتاثر جدا بقول ..الجوهري : مصر فيها 80 مليون مدرب كوره


..............................................................


بالنسبه عني انا ...بحب اكون شخص واقعي....بحب اقتنع باسباب ماديه


عشان كده بتدايقني جدا روحنيات غريبه للشعب المصري والشارع المصري


وفتي السنين - تعبير مجازي - بتاع الشعب المصري ....الي بيفتي ماشاء الله في كل حاجه


_________________________________________________________________________
مثال واحد - ولسه الامثله كتير مش في الكوره بس - : في اي ماتش كوره


يطلعلك ميه وسبعين شخص : المفروض ينزل الحضري هجوم ..ويوقف ابو تريكه دفاع لان خط الوسط في النص


عايز احمد حسن يكون ليبرو ...ووائل جمعه يساند زيدان ...وميدو يكون خط وسط ...لان التشكيله دي لو كملنا بيها


هنخسر ........ ......طبعا لا تعليق


شخص تاني : لا يا عم بتتكلم في ايه ....لو وائل جمعه هاجم هيكون عندك ضعف في الحته الشمال الي هيا يمين الحارس من الجول


وبكده ممكن تفوت من احمد حسن ...وحسن شحاته يدخل فيه جول - مع ان حسن شحاته المدرب -


..............كل واحد بيلعب في الحاره بقي خبير كوره ...ولازم يشتملك في المدرب بتاعنا ..وان تشكيلت سيادته هيا الي صح .........


ده مثال الكوره
________________________________________________________________________


المثال السياسي : يبقي التلفزيون شغال علي الاخبار وتقول المذيعه : هذا وقد زار سيادته مركز ام سيد لعلاج


سلالات القمح المصري المركزي ..بعد ما تفقد سيادته.....


يقطع المذيعه شخص جالس علي القهوه وفي فمه بوز الشيشه : يا جدعان حرام عليكوا بقي سرقتوا البلد


يساله شخص قاعد جمبه ...هما مين دول ؟؟؟؟


يقولوا :...الحكومه يا عم .......انت مبتقراش جرايد ؟؟؟


يرد عليه ويقوله : بقرا جرايد ..ملقتش حد فيها سارق حد


يقوم رادد عليه : يا عني هما هيكتبوا انهم بيسرقوا عيني عينك .........( طب عايز ايه انت يعني ؟ )


يقوم قايلك - هو نفس الراجل - : هو حد خرب البلد الا هما ......هما الي جايبين عليها واطيها


ويقوم ساردلك في كل اسماء رجال الاعمال والقاده والسياسين ويقولك هما دول الي سرقوا البلد


تسأله : عرفت منين ..؟؟؟ يقوم رادد عليك بالرد المستفز الي بيرفع الضغط : ماهي البلد كلها عارفه


يخربيت الفتي بتاع الشعب.....كل الشعب عارف ان اي حد في اي حته يبقي بيسرق البلد


تقوله ...طب مشروع مش عارف ايه ....يقوم قايلك : اصل اسرائيل وامريكا اتفقوا انهم مش عارف ايه


اي حاجه وحشه تحصل في البلد ..يبقي الحكومه .واسرائيل وامريكا هيا الي عملتهم


......لا تعليق ....اكيد بتقابلوا نوعيه الناس كتير


وده المثال السياسي


________________________________________________________________


المثال الطبي : الحمد لله وبلا فخر ...مصر كلها دكاتره وصيادله ومهندسيين ومستخرجين بترول


تبقي انت عندك حبه صداع ..تقوم قايلالك الست جارتكوا الله يجازيها كل خير : خد اسفوكيس.....كيس ايه ؟


تقوم قايلالك جارتك التانيه : لالا متخدش اسفوكيس ده بيعمل اسهال ..خد سيكورتيزون ....ينهار احوس هيا وصلت للكورتيزون


جارك التالت : لا يا عم سيبك هو انت بتاخد من كلام الستات ....خد شكورتكيح .....- ده لو في حاجه اسمها كده -


ويخشلك في جدال التلاته : الاولانيه .....ده بسام ديك النهار كان عنده برد وخد الاسفوكيس وبقي زي الفل


تقوم التانيه : لالا خالد يا حبه عين امه كان عنده برد وسخونه ..وخد السيكورتيزون ..وبقي ينط يجري


التالت بيكون دخل وقفل الباب ..عشان مفيش دوا اسمو شكورتكيح...


- مع ان في الاصل اصلا ..الراجل عنده صداع معندوش برد -
..............................................


في حين لو اتصلت بالدكتور الي تحتيكوا هيقولك خد اسبرينه محترمه ...تضيعلك الصداع ..بلا كيس ولا شنطه


وفي حين ان سمعت كلام جيرانك او اي حد بيقعد يفتي لسيادتك ...الصداع هيقلب لقرحه في المعده ...


وده نتيجه الفتي بتاع الشعب :]:]


وده المثل الطبي
_______________________________________________________________


المثل الروحاني : تلاقي واحد ماشي في الشارع ....وراح عاطس عطسه علي كل الشارع .- معرفش ازاي بس هو كده - والرذاذ والقرف كله جه علي كل الشارع - عطسه كبيره اصلها -


وتقوله : مش تحاسب يا عم لحسن نتعدي .............يرد عليك وبكل برود : ده بدل ما تقولي يرمحمكم الله




يا عيني علي التدين والاخلاق.......


........... نوعيه تانيه من الناس.....اي حاجه بتحصل في اي حته ....ده غضب من عند ربنا !!!!!


مصر خسرت من نيجيريا ......ده غضب من ربنا !!!!!!!


الواد جاله برد ...........ده غضب من ربنا !!!!!!!


وكأن الله - حاشاه - قاعدلنا عشان يغضب علينا ...ولو يدرون ان له حكم في كل ما يفعله ..وانهم ارحم الراحمين


وده المثال الروحاني


___________________________________________________________


المثال بتاع الفتي الديني الحقيقي :


جميع شعب مصر عالم من علماء الازهر يجي واحد بيكلم واحد تاني ..عايز اتصل بالشيخ فلان اساله علي المش عارف ........


يطلع شخص من جمب الطربيزه ..قائلا : حرام طبعا .....تقوله عرفت منين ...يقولك ودي محتاجه كلام ؟؟؟


انا عن نفسي بحاول قدر الامكان امسك نفسي من اني افجر راسه


......تيجي وانتي بتصلي ... يقولك ايه الي انت بتعمله ده .....صلاتك غلط طبعا


ليه يا حج الصلاه غلط ...؟؟ يقولك لالا انت بتستهبل وانت بتصلي ..؟؟؟


هقوله عرفت منين سيادتك ......- الاحسنلك - متردش عليه ..وتقوله خليك في حالك :]:]


وده مثال الفتي الديني




___________________________________________________________


المثال ده مش لاقيله فئه ولا صنف من الناس


الي هوا يعارضك وخلاص ...ويفتي في اي حاجه تانيه


مثلا انا لما باجي اكتب مقاله ولا حاجه ....الاقي واحد جايلي.....الاسلوب يميل الي الركاكه ...مع الشعور بالقليل


الازدواج اللا انفصالي في الكلمات والافعال .....وده بياثر جامد علي الفكر الاثر الرجعي للنوت


عشان كده هيا مش عجباني


مثال تاني : زي فيلم ابو علي ..لما انتصار بتسال مني زكي .....فمني زكي قالتها : منخيرك مفرشحه شويه


وشفايفك مش عارف ايه .......هما دول الفتتاين الي اقصد عليهم


وده مثال الفئه الي متتسماش


______________________________________________________________
مثال الوصف : وده في الاغلب بيكون في وصف طرق الشوارع


تسال واحد ماشي في الشارع : فين شارع هشام عفيفي لو سمحت ...ويبقي الشارع جمبك


تلاقي شخص زنخ يقولك : هو قالك فين ...............يا اخي وانت مالك


شخص تاني : انت عايز فين ...................لا تعليق


شخص تالت : انت عايز مين هناك ...............خلاص حفظت كل الشارع


الشخص الرابع والتقيل : انت تلف الكوبري ...وترجع من عند شارع عبد السلام الاقرع ...وتروح لمحسن جابر بتاع عالم الفن ....واسال هناك هيدلوك علي طول




في حين انك لو سالت العسكري الي الدوله معيناه وواقف في الشارع كان هيقولك الشارع هناك اهو


وده مثال الوصف
_______________________________________________________________












ولو قعدت اذكر في امثال مش هخلص


النصيحه : الله سبحانه وتعالي مسابناش تايهين في الدنيا افتكر قوله سبحانه وتعالي : فاسألوا اهل الذكر ان كنتم لا تعلمون ...صدق الله العظيم


متبقاش عيان ..وتسال جارتك وتقولك خد اسبو كيس


ولا تبقي عايز فتوي دينيه ..وتسال عم احمد البقال


ولا عايز تحلل كوره تسمع لعم صلاح البواب.....- الحمد لله احنا في مصر عندنا ما يقارب الخمسميه وتلاتين الف برنامج بيحلل كوره -




ارجوك ..بلاش تسمع للفتي بتاع الشعب


هشام عفيفي

ملحوظه : وجهه النظر هذه تقاس علي نسبه كبيره في المجتمع ...من يجد في نفسه غير ذالك ...فيتاكد تماما انه في منأي عن وجهه النظر هذه

__________________________

________________________________________________________
بسم الله الرحمن الرحيم


نسبه فقيعه - وانا تعمدت اقول فقيعه - من الاشخاص العرب مبيبصش لنفسه ..لما بيرد علي حاجه بيتسأل فيها

...........تلاقي ولا اجدع تصريحات دبلوماسيه ...متطلعش مثلا من سفير انجلترا في اليابان........كميه دبلوماسيه

غريبه .....الناس دي اتعلمت الدبلوماسيه فين ؟؟؟؟ ....تيجي تسال بنت في شباب عمرها ..تقولها ..اي مواصفات

الشب الي نفسك ترتبطي بيه ...تقولك
: متدين ...وخلوق ..وبيحتوي البنت ...وبيحترمها...وبيقدرها... وبيحبها....

حبه وتقوله بيمسحلها الشقه كل يوم .........يخربيت الدبلوماسيه .....نيجي للواقع ..لو بصت البنت لاجاباتها..هتلاقيها


اكبر كدابه ...ولكن في نفس الوقت مقتنعه ...ايوه صح ده الي نفسي ارتبط بيه ده الي هيخاف علي ولادي ومش

عارف ايه........تيجي للواقع بقي...

تبقي البنت ماشيه في سيتي ستارز في الساعه السابعه ليلا...وبتتمشي في الفود كورت الي تحت

بيحصل حاجه من الاتنين :



تبقي نظرتها ليه ...علي انه شب سازج ...ملوش خبره في الحياه...شب بالبلدي كده ملوش فيها ...وومعندوش

شخصيه



رقبته ..وكاتب عليها بحبك يا انجي ..هقفلك مش همشي

تقوم البنت بصاله...يا سلام ...عيني علي الي فاهم الحياه ...وتقع فيه ....وتحب الواد الي مقطع السمكه وديلها

وزعانفها ..ومنضفها من الحراشيف........سبحانه الله بقي بيحصلها ايه ..متعرفش


المهم بتكمل مشي...لا بتطول ده ولا ده.....نيجي في حته تانيه ....

البنت مثلا ...وخلينا نحكي عن الواقع ....لما تيجي تشيت مع واد ...تشيت مع الواد ابو مقطع سمكه وديلها ده

ويقعد يحكيلها عن انتصاراته في معركه ستار بكس .....ومحارباته في اون زا رن .......وملحمته في كافيه في الزمالك

والبنت تبقي معجبه بيه جدا ...وتفرح انها بتكلم واحد زيه

تيجي للشب المثقف الخلوق المحترمه الي بيصلي الخمس فروض والي بيسيء الشقه

ده شب معقد - شب محبكها - ده مش متفاهم معايا - ده ابن وزه بيضه -

ويلبس الشاب المحترم الخلوق...اكبر (....) اكمل ما بين القوصين

  1 - تبصلك علي الشب المحترم الخلوق المتدين الي بيحتويها والي بيمسحلها الشقه .....
2 - تبصلك علي الشب الرويش الي ضارب الجل ..ولابس الكونفيرس ومسقط البلنطلون...والسلسله الفضي في

صراع فكري ما بين عقل البنات والشباب...في اختياره لشريكه.....

فالبنت بتبقي عارفه وبتقنع نفسها ...اني اه انا عايزه الشب المحترم الجميل الحلو الامور

وعارفه مليون في الميه انها مش هتحبه .....

هيعارضني بنات كتير .....وانت ازاااااي ولااااااااا وبتتكلم فييييييين الاحتراااااااام ..الشب الخلووووووووق

متولي مرزووووووووق ...وتقولي ....طبعا البنات الي بيفكروا كده ...بيكونوا تافهيين ..وفارغيين....ومنيلين

ومبيحطوش فازلين...وكلام السحر ده .......في حين ان ..- مش عارف انا محسبتهاش - بس من واقع المجتمع

اقدر اقول تسعين في الميه ....لما تيجي تتكلم تتكلم عن الشب المثالي....ولما تيجي يدخل دماغها

يدخل دماغها الشب الفتك

في النهايه انصح شباب العرب : اوعي تتغير عشان بنت ...اوعي تعمل نفسك فتك ..عشان بنت برده

الي تفكر انك ترتبط بيها عشان انت فتك ......تبقي فعلا بنت تافهه ..

والي تعرفك عشان انت محترم ...وبتحب احترامك ..هيا دي فعلا الي تنفعك في حياتك

- من واقع الحياه المرير ومن امام مقر الدبلوماسيه المخداع للجنس الانثوي..المراسل والناقد الصحفي : هشام عفيفي

__________________________ __________________________

ملحوظه كبيره فحت : هيتقال عليا شاب معقد ...والسبب موجود في النوت والحدق يفهم

ولكن هو ده الي بيثب وجهه نظري

ملحوظه : لو هتقرا ...المقاله اقراها كلها ...لو هتستنج منها حاجه متقراهاش اصلا..عشان مش ده هدف المقاله
___________________________________________________________________________________


ناس كتير اوي هتستغرب من العنوان .....ولكن النصيحه الي بنصحهالك انك تقرا النوت من اوله لاخره


لو كنت عايز تفهم صح ...


في حين تأملي الفكري ..سالت نفسي ...هو انا قد ايه ؟؟؟؟ ...ايه السؤال العجيب ده


لو سالته لحد ..هيقول عبيط ده ولا ايه


كان القدر الالهي منتظرني اسال السؤال عشان يرد عليا


طبعا احنا عارفين حجم الكره الارضيه ومدركين حجمنا عامل ازاي علي الكره الارضيه


واظن اننا نسمع عن المشتري ...

متخيل معايا حجمك قد ايه


يقول الرسول صلي الله عليه وسلم : ما السماء الأولى فى السماء الثانية إلى كحلقة فى صحراء، وما الثانية فى


الثالثة إلا كحلقة فى صحراء، وما الثالثة فى الرابعة إلا كحلقة فى صحراء، وما الرابعة فى الخامسة إلا كحلقة فى


صحراء، وما الخامسة في السادسة إلا كحلقة فى صحراء، وما السادسة فى السابعة إلا كحلقة فى صحراء، وما


السابعة فى الكرسى إلا كحلقة فى الصحراء، وما الكرسي في العرش إلا كحلقة فى الصحراء


تخيل لو بتقلع خاتم ...وبترميه في صحراء






حبه الصور دول


عرفوني


انا قد ايه زي ما كنت بسال في الاول


بس تسائلت اكتر.....اني من اصغر المخلوقات الي خلقها ربنا ....انا لا ارا لا بالعين المجرده ولا بالتليسكوب ولا


بسوبر عدسات ......ربنا يقولي صلي ليه ؟؟؟؟؟؟ ..حاشا لله ان كنت بسأل اعتراضا .....


طبعا الحكمه الالهيه ده شيء مقدرش اتدخل فيه


وقد يتحمل راي الصواب والخطا


لاكن لما تاملت ......قولت الله سبحانه وتعالي - والكل عارف كده - في غنا تماما عن صلاتك


واحد يقولي : يا عم ده كلام معتاد وعارفينه من كل الشيوخ


اقوله اسمعني بس .......مفكرتش برده ...رغم ان الله في كل هذا ...بيقولك صلي ليه


ولله المثل الاعلي ....طبعا حاشا لله اني اقارن ده بده بس انا عايز المبدا


الست الوالده لما تيجي تقولك ....زاكر ياهشام ....انت بتزاكرلها ؟؟؟؟؟ هتاخد هيا الشهاده ؟؟؟ وطبعا الكلام ده


بنسمعوا من الاباء كتير


بتقولك كده عشان تنجح وتكون انت سعيد


كذالك ربنا أمرك تصلي ..عشانك انت .....


هتقولي ازاي مش فاهم ؟؟؟؟؟؟


هقولك مثال بسيط : دلوقتي انا فراش ..شغال بميكروسوفت ..بمسح البلاط


هل انت بتمسح البلاط ...لكي تطور ميكروسوفت وتصبح اكثر ربحا ؟؟


ولا بتشتغل فيها عشان اكل عيشك


ولله المثل الاعلي


الله سبحانه وتعالي من رحمته البالغه الواسعه بيك ....قالك صلي


لييييه ....عشان الصلاه والفايده دي بتعود عليك انت .....سبعميه في الميه من الناس


ديما بتقول ..انا مدايق ومش عارف من ايه


واحد يقول ...مش لاقي اكل ....مش لاقي اشرب


مش لاقي اتجوز


تفتكر خالق الخلق ..خلقك وساب الدنيا كده ؟؟؟؟


الناس كلها بتعاني من مشاكل في حياتها


فعلا عشان مبتصليش.....ولما يحب يحسن حياته ..بيصلي


لذالك اكثر الي بيعانوا من مشاكل .....هما الي مبيصلوش


هات واحد محافظ علي الصلوات الخمسه ....وواقع في سبعين الف مشكله


هتلاقيه مرتاح نفسيا.....وراحته بتخليه يعرف يبقي مرن مع السبعين الف مشكله




بالتالي لما انت بتيجي تصلي....وعايز تتقن صلاتك ...والله يتقبلها ...عشانك انت


- طبعا بعيدا عن حب طاعه الله ده شيء اساسي لواحد متواصل مع الله -


لاكن انا بتكلم علي المبدا ....انت في الاصل بتعمل كل ده عشانك انت


ليه انا كنت عايز اقول كل ده


عشان في ناس.....والعياذ بالله ..لما بتصلي حتي الفروض الي عليها .والي هيا فروض يعني المفروض تعمل الي عليك


بيفتكر انه بقي عنده رصيد عند الله ..كافي....وانه الراجل تعب وشقي..وكتر خيره يعني


بقي راجل مقطع السجاده ..وبقي سوبر ماريو....ويجي مثلا يقولك ...انا عملت الي انت معملتهوش


وهو كل الي عملو انه صلي الفروض الي عليه ...


وبيجي فترات وبيتكاسل


نظرا انه افتكر ..وحاشا لله ...ان الله منتظره يؤدي فرضه


وانا اريد ان اصحي ضمير الناس دي


اتقان الصلاه ....وان الله خلي الصلاه فريضا اصلا....عشان تنعم بحياتك ...مش انتظارا من الله سبحانه وتعالي


حاشا الله


عشان كده ..انت لما بتيجي تصلي ..بتصليلك مش بتصلي لربنا

ناس كتير بتسال اشمعني يعني الشباب الغربي متقدم واحنا الي متاخرين


وناس كتير بتجاوب نفس الاجابه ....
1 - الحكومه
2 - البيئه المحيطه
3 - تخلف الدوله
4 - مفيش حاجه تساعد اننا نتقدم


هبتعد عن الاربع اسباب دول ...لاني بعتبرهم حجج باطله ..صحيح ان الظروف دي كلها متوافره مع شباب الغرب


ولكن هناك امثله لناس كانو في اسوا من البيئه الي احنا فيها والحكومه بتاعتهم مش موجوده اصلا


وكانت البيئه المحيطه كلها مخدرات ودعاره ..وحققوا نجاح باهر في المجتمع ..وافادوا العالم اجمع


طب ارجع لنفس السؤال ..ليه احنا متخلفين ؟؟


هقولك انا ..ودي وجهه نظري قد تحتمل الاصابه او تحتمل الخطأ


___________________________________________________


من اول الاسباب الي سبب كبير في تخلف الشباب العربي...ان فكره مشغول ...


مشغول بحاجات تافهه ..- وده لا اراديا علي فكره - في حين شباب بره فكره مشغول بردو


ويتسائل واحد يقولي : مش فاهم حاجه


هقوله عندك حق...


التبسيط : فكر الشباب العربي مشغول بتلت حاجات ..- تقريبا -


1 - اشباع الدافع الجنسي


2 - اشباع الفراغ العاطفي ( المصاحبه والوقوف مع البنات ) ثم


3 - اشباع دافع الثقه في النفس


كمان واحد يسأل : طيب وهو الشباب الغربي مبيشبعش دافع الجنس ولا الفراغ العاطفي ولا دافع الثقه في النفس


هقوله صحيح بيشبعهم عشان كده فكره مش مشغول


يقوم رادد عليا وقايل ::طيب فسرلي التلاته


1 - اشباع الدافع الجنسي : طبعا لانتشار كل ما هو ملفت لهذا ..بدايتا من مشهد في التلفزيون نهايتا بالمواقع


الاباحيه علي الانترنت ....الشباب الغربي بيشبعوا علي الحقيقه ..في حين ان الشباب العربي مبيشبعوش


يتسائل شخص ما : طيب انا ربنا حاططلي دين وتعاليم اني مشبعش الدافع ده الا بعد الجواز ....ارتكب غلط يعني


عشان فكري مبيبقاش مشغول ..........ارد انا : هشرحلك لما اخلص النقطتين الي بعديهم


2 - الفراغ العاطفي : وده بيرجع لانه بيشوف بردو المجتمعات الغربيه كل واحد ماشي مع واحده وبيحس انها شريكته التانيه في الحياه


في حين انه بيعاني من الوحده الداخليه الي تخليه لازم يصاحب واحده عشان ميحسش بالفراغ العاطفي


3 : الثقه في النفس


وده بيجي عن طريق ان الاهالي بتدمر ثقه النفس في الشخص من صغره .... : هتفضل طول عمرك فاشل


يابني زاكر الله يهديك هتفضل طول عمرك متخلف


لو مكلتش المم هجبلك العو


لو منمتش وشربت اللبن هجبلك ابو رجل مسلوخه


الواد يعيني بيطلع طلعان عين امو ..ومش واثق في نفسه خالص


وبردو زرع فيه التلفزيون الغربي ..أن الي يمسك سجاره او الي يمشي فارد صدره يبقي ده عنده ثقه في النفس


واحد يقولي : يا عم قرفتنا اخلص وقول مشغلش بالي بالحاجات دي ازاي


___________________________________________________________________________________


1 - الدافع الجنسي ....الله سبحانه وتعالي حينما وضع تعاليم الدين ...وضعها لحكمه بالغه يعلمها الله ...وقد يفهمها القليل من الناس


يعني بالظبط تعاليم الدين تقول متشبعش الدافع الا وانت متجوز


واحد يقول : ظروف المعيشه وهتجوز امتي واهلي واهلها وانا وهيا ..وفي ناس صغيره خمستاشر تمنتاشر سنه


هقوله انا : لما وضع الله هذه التعاليم مسابكش كده ..فالحل الديني ..هو ان تستعين بالصبر والصلاة والصيام


اكيد لو استعنت بالله في امر زي ده ..هتبقي حياتك متوازنه ...ولو قلتلي لا مش هتبقي متوازنه .يبقي انت كده


مش واثق ان ربنا سايبلك حل


___________________________________________________________________________________


2 - الفراغ العاطفي ......ولو ان ده فكريا هيختلف معايا فيه ناس كتير....اشغل فراغك العاطفي في الابداع ..


انا مثلا ..بدل ما اروح اقف قدام كليه البنات والي خارجه اقولها يا قمر لابس جيبه بني


كتبت نوت قد تفيد الاخرين بالفكر الي فكرته


اشغله باي حاجه .....- حلال طبعا - انت عندك قدر من الابداعات ..لا حد له


___________________________________________________________________________________
3 - الثقه في النفس


انا حاولت الاقيلها لحل ......ولكن دي عمليه صعبه شويه ....ولكن لازم يكون عندك الادراك الكافي ...انك تمسك


سيجاره ....او تفرد جسمك في الشارع .....ان الناس مبشوفتكش كده راجل .......كذالك ما ينطبق علي البنت


طبعا مع مراعاه الفرق في التصرفات


احنا بقينا في زمن بيفهموا فيه اوي .....يعني لو انت ماسك سجاره وفرحان بيها وبتشربها بتناكه ...كل الي حواليك هيستحقروك صدقني


___________________________________________________________________________________


في الاخر : هيجي واحد يقولي ..طبعا مش كل دول سبب تخلفي...وتقولي الحكومه ونفس الاسباب المكرره فوق


هرد عليه باجابه بسيطه : الي بيعوز حاجه مهما كانت بيعملها


الراجل العجوز الي بيبقي مرمي في الشارع ومش لاقي ياكل ...لما بيعوز يشرب سجاير بيكافح عشان يجيب علبه السجاير


في حين انو بيشتكي ان الدوله مبوفرلوش عيش ..مفكرتش زي ما عمل عشان يجيب علبه السجاير ..ليه ميعملش عشان يجيب العيش
___________________________________________________________________________________


واحد بقي يقولي طيب دول مش اسباب تخلف خالص.....وانا معاك ..دي اسباب انشغال الفكر


انت فكرك مشغول ...هتفكر انك تتقدم ازاي ؟؟؟؟ ......هديك مثال رفيع ....عنتره بن شداد .....راجل عربي قديم اهو ......كان كل انشغال فكره ..انه يقعد يكتب شعر في حب عبله .....وكان شعره من اقوي الشعر.....لا كان بيقعد علي اللاب بتاعه بيخش علي مواقع قباحيه


ولا كان بيقعد يلعب بلستيشن مع شيبوب ..كان راجل حاطط فكره في الشعر


كذالك نيوتن ......الراجل كان مستريح تحت شجره مانتخ راح لاقي تفاحه وقعت علي راسه .....حط كل تفكيره ازاي التفاحه دي وقعت واكتشف عشران القوانين


اينشتاين ..راجل كان شعرو طويل وابيض من كتر ما هو مشغول في علم الفيزيا


................هتقولي طب والشباب العربي


الشباب العربي لما بينشغل فكره .....مبيفكرش في حاجه تانيه......هيفكر يتقدم ليه ودماغه شغلاه التلت حاجات دي ....عشان كده لو خلص منهم هيفكر ازاي يتقدم بنفسه وبدولته وبشباب امته


لو انت جواك حاجه وعايز تعملها ... صدقني هتعملها ...حتي لو عايز تحطم بيل جيتس في نجاحه


ابراهيم الفقي : طاقه الانسان لو اتوصلت ببلد ..تولد كهرباء لمده اسبوع


انت لا تدرك مدي القوه التي بداخلك ...فقط حدد اهدافك ..وسير عليها


_____________________________________________________________________________


محلوظه هامه : سيجادلني الكثير ...محاولين تبرير اسباب فشلهم ...وينقدوا ما كتبت نقد سلبي ...ليضفوا علي


شعورهم الاحساس بارتياح الضمير


نظرا لتانيب الضمير عن التكاسل عن التقدم..........وسامحوني فلن اجادلهم ...فقد صدق من قال : لا تجادل


بليغا فيغلبك بحجته وكلامه لإن الكلام صنعته ولا تجادل سفيها فيغلبك بسفهه ويظنك الناس مثله


هشام عفيفي