بسم الله الرحمن الرحيم

الموضوع اولا ..هيكون بمستوي بسيط..بحيث ان كل الناس تفهمه .....من ابسط بسيط...لاكثر المثقفين تعقيدا



دلوقتي الاستاذ الدكتور محمد البرادعي....الحاصل علي جائزه نوبل للسلام.....والحاصل علي قلادة النيل ...النادره...


وهو من رموز مصر ..غصب عين اي حد......عمل جمعيه....تطالب بالتغير ........!!!


لحد هنا وفله شمعه منوره



محلوظه : بامكانك ان تقرا شرح البيان ...وانا عامله لاغراض ما


وبامكانك لو انت راجل مش فاضي وعايز تختصر...تقرا الحته بتاعت ادينا عشان نفهم ..هتلاقيها بعد شرح البيان

____________________

اولا بس عشان الهجوم والدفاع : انا من موافقي ومؤيدي هذا التغيير.....بس في ناس بسيطه كتير مش عارفه هيغير ايه



ارد واقول انا ويا رب الرساله توصلهم


الدكتور الرادعي ( حاليا ) البيان الي اصدره للتغيير


بينص علي حاجات بسيطه خالص ..وانا هبصتهالكوا عشان البعد عن التعقيد بردو



في حاله طوارئ.....مثال مثلا....انت مفيش حاجه اسمها تتقفش تحري....يعني مينفش الراجل يقفشك لو

انت ممعكش بطاقه


بس هو بيقفشك عشان حاله الطوارئ بقانون الطوارئ


مثال تاني : الناس الي اتضربوا واعتقلوا في المظاهره بتاعت سته ابريل


المفروض ميتقفشوش ولا يتظارهوا...لان من حق المواطنين انهم يعمله وقفه ..بدون ما يمسكوا سلاح ..ويبقي فيها ترتيبات امنيه


بس هما اعتقلوا عشان قانون الطوارئ


فالدكتور البرادعي ..بيطالب بانهاء قانون الطوارئ..لما فيه من تجاوزات علي الناس...وانا - هشام عفيفي - اؤيده


في هذا المطلب ..ادي واحد



واحد يسالني ..طب ليه ؟؟ ..هقولك..لان القضاء المصري عندنا قائم علي اساس..الايه الكريمه :

إِنَّ اللَّهَ يَأْمُرُكُمْ أَن تُؤَدُّواْ الأَمَانَاتِ إِلَى أَهْلِهَا وَإِذَا حَكَمْتُم بَيْنَ النَّاسِ أَن تَحْكُمُواْ بِالْعَدْلِ إِنَّ اللَّهَ نِعِمَّا يَعِظُكُم بِهِ إِنَّ اللَّهَ كَانَ سَمِيعًا بَصِيرًا


اي انه ..في القضاء..لازم يكون الحكم بالعدل في الانتخابات..وان الي يزور في الانتخابات ولا حاجه


يبقي عقابه عند ربنا....وربنا هو الرقيب عليه ..وهو يعلم تماما ذالك


النقطه التانيه واضحه ...وانا ايضا اؤيده فيها - مش هقعد اكتب اسمي كتير بقي - المهم ادي اتنين



يعني رقابه داخليه وخارجيه عشان محدش يتكلم.....اظن واضحه ..وتقريبا اؤيده في هذا النص ايضا



يعني بردو ايه .متعملش عليهم حجر اعلامي...لو كنت خايف من المنافسه....خلي ده يطلع..وخلي ده يتكلم

وخلي ده يعرض برنامجه...عشان الناس تعرف هترشح مين




كمان فتره الرئاسه..تبقي علي فترتين بس....يعني زي مثلا ..بوش في امريكا ..قعد اربع سنين ..واربع سنين .ومشي..دي اقصي حاجه

كذالك يبقي كده في مصر ..



بالبطايق مش هتعرف تالف ارقام وهيقل نسبه التزوير

وكل ده بيستلزم تغيير كام ماده في الدستور عشان تقدر تعمل البيان


__________________________
1 - انهاء قانون الطوارئ.....بتشبيه بسيط....قانون الطوارئ ده بيتعمل..انك ممكن تكسر احدى القوانين...عشان 2 - تمكين القضاء..المصري..انه يشرف علي العمليه الإنتخابيه الرئاسيه بكاملها 3 - الرقابه علي الانتخابات ..من المنظمان المدنيه المحليه ..والدوليه 4 - توفير فرص متكافئه للناس الي عايزه تترشح ..في وسائل الاعلام 5 - الناس الي بره ..يبقي ليها حق انتخاب رئيسهم......واضحه دي برده..حقهم يا جدع !!! 6 - كفاله حق الترشيح....دون قيود تعسفيه......يعني متروحش تطلع بطاقه انتخابيه يقولك روح مكتب اسوان ...عشان المكتب الي هنا بيمسح ....ولسه هيسيق الارضيه 7 - الانتخابات تبقي بالبطايق......عشان متزورش ..وتلاقي زكي عبد السلام محمود...سبع الاف مره ..ويقولك اهو زكي عبد السلام يا عم حد ميعرفوش
_____________________________________________



النقطه المهم بقي......الي هيا ادينا عشان نفهم


دلوقتي احنا مش معترضين علي البيان خالص


ولكن ناس كتير بتوقع....وهيا مش فاهمه..اصلا البيان الي احنا قولناه لكن مش مشكله بردو


مش ده المهم


انا بكرر اهو : انا من مؤيدي بيان التغيير


بس في حاجه بقي بتستوقفني....ومجنناني


.....هل التغيير ده الي هيرخص اللحمه .....والي هيوفر رغيف العيش والي هيفضي الزحمه من المواصلات


هيطلع واحد : لالالا ايه علاقه ده بده ....وانت انهزامي...وانت بتجناني...وانت مبتفهمش ...وانت مبتقدرش


اقوله اسمع كلامي ..واقرا للآخر ......


بعد ما نغير...وبعد ما يكون في انتخابات نزيهه


فين الخطه ....بتاعت الدكتور او غيره....لو مثلا كسب في الانتخابات


فين البرنامج الي هيحث الشعب ..انه يوقع للتغيير دلوقتي - مع العلم اني وقعت ..نظرا لاني عايز اغير الحاجات الي في البيان ....ومحتاجها من الناحيه القانونيه


بس دلوقتي ...عم صلاح الغلبان الي في الشارع.....عايز تغير ؟؟؟ اه ..طب وقع


وهو بيوقع ...ايه الي يستند اليه..ان حاله هيبقي احسن


واحد هيقول : يا عم هو في اسوء من الي هو فيه


ارد عليه : برده ايه الي يفهمه انت هتعمل ايه



يعني كل الي عاوز اقوله : والي اوصله للدكتور البرادعي ...وكل من يريد ان يرشح نفسه.....


ولكن للدكتور البرادعي مخصوص :


لازم يا دكتور (( تدينا خطه لحل مشكلات مصر ...عشان نفهم.....وعشان ندعم سيادتك ..في التغيير ))


اصل المواطن المصري البسيط......لا هتفرق معاه انتخابات ...ولا هتفرق معاه دستور..ولا حق فترتين رئاسه ولا حاجه


هو كل فكره....ازاي اوفر قوت عيالي....وازاي اوفرلهم تعليم وازاي وازاي وازاي


لما مثلا مثال : الدكتور البرادعي يمسك الرئاسه


فين بقي الخطه الي هتحل مشكله اللحمه...ومشكله التعليم....ومشكله رغيف العيش


لو سمحت يا دكتور...الشعب البسيط....عايز يعرف


ويكون في حاجات ملموسه وصريحه : مثلا


والله مثلا ..هنخصص مدينه ونسقعها ...ونعمليه مزرعه لحوم..مدينه بحالها في الصحراء...


وننتج لحمه وسعر اللحمه يرخص...وهكذا


علي الاقل حتي....الشعب كده هيدعم ويقول : ااااه طب والله ليه لا..احنا نوقع من دلوقتي...عشان العمليه تلحق تتم


والريس يشوف مصالحنا...


علي الاقل ..يبقي الشعب عارف هو بيوقع ليه


او بيختار شخص ليه


بدل ما هو عايش في توهان


اسف علي الازعاج والاطاله


ولكن المواطن المصري البسيط


هو اكثر اهتمامتي..ولازم اتكلم عنه


هشام عفيفي

edit post
ايش رايك 
1 Response
  1. غير معرف Says:

    انا معاك في كل اللي قولته بس ان البرادعي يقول خطته الانتخابيه انا رايي ان ده مش وقته لأن لحد دلوقتي هو اصلا ما يأدرش يرشح نفسه على حد علمي ثانيا لو هو قال خطته دلوقتي اي حد تاني ممكن يقول انا هعملوكو الكلام ده في خطه خمسيه ... وابقي قابلني.
    انا رأيي انه اكيد عارف هو بيعمل ايه و كل حاجه ليها وقت.


إرسال تعليق