انا بصليلي ...مش بصلي لربنا

ملحوظه : لو هتقرا ...المقاله اقراها كلها ...لو هتستنج منها حاجه متقراهاش اصلا..عشان مش ده هدف المقاله
___________________________________________________________________________________


ناس كتير اوي هتستغرب من العنوان .....ولكن النصيحه الي بنصحهالك انك تقرا النوت من اوله لاخره


لو كنت عايز تفهم صح ...


في حين تأملي الفكري ..سالت نفسي ...هو انا قد ايه ؟؟؟؟ ...ايه السؤال العجيب ده


لو سالته لحد ..هيقول عبيط ده ولا ايه


كان القدر الالهي منتظرني اسال السؤال عشان يرد عليا


طبعا احنا عارفين حجم الكره الارضيه ومدركين حجمنا عامل ازاي علي الكره الارضيه


واظن اننا نسمع عن المشتري ...



كوكب المشتري والارض






اظنه واضح الحجم والفرق.....لا استني وشوف الي بعديه


تسمع بردو عن الشمس

صوره مركبه للشمس والارض بمقياس حقيقي






ودي حقيقه علي فكره ......انا بردو عايزك تركز علي الارض...الي احنا عايشين فيها ..عشان انا كنت عايز اقيس ...انا قد ايه

دي نجوم مجاوره للشمس ...عايزك تركز للشمس - والصوره مركبه بمقايس حقيقيه




ودي يبينلك حجم الشمس الي انت عارف حجمها عامل ازاي مع الارض...اهم حاجه تركز علي الارض


الي انا وانت عايشين عليها

ده نجم انتيرس الي هوا اكبر من النجوم الي فاتت ..قارن ما بينه وما بين الشمس الي احنا قارنا ما بينها وبين الارض




انتيرس ده نجم كبير ....اكبر من الفاتوا ....وجمبه الشمس ...الي احنا قارناها بالارض...برضوا حط في ذهنك الارض الي انا وانت عايشين عليها

انتيرس والسماك الرامح والشمس




عايزك في الصوره دي ...تشوف فرق الاقطار بين السماك الرامح الي هوا كان اعلي حاجه في المجموعه الي حطيناها مع الشمس ...وتشوف انتيرس ..وتشوف الشمس الي هيا عارفين شكلها جمب الارض عامل ازاي ....وتقيس

مجموعه نجوم كبيره بردو




دي مجموعه نجوم تانيه ..اقل كبرا من انتيرس - وعلي فكره انتيرس مش اكبر حاجه - مقارنتا بالشمس الي احنا قارنا بيها الارض ..........كل ده عايزك تتخيل حجم الارض في مخيلتك عشان تعرف حجمنا احنا علي الارض قد ايه

اكبر نجم تم اكتشافه




والنجم ده احنا اخر حاجه وصلنالها ....يعني احنا معرفناش نوصل لحاجه اكبر من كده ....بس هو فيه بس احنا موصلناش.....شوفت الشمس جمبه عامله ازاي ...وفتكر الشمس كانت عامله جمب الارض ايه




المهم ان كل الي انت شوفتو ده


بيمثل نقطه واحده .....فيا الشكل القادم ده





السماء


متخيل معايا حجمك قد ايه


يقول الرسول صلي الله عليه وسلم : ما السماء الأولى فى السماء الثانية إلى كحلقة فى صحراء، وما الثانية فى


الثالثة إلا كحلقة فى صحراء، وما الثالثة فى الرابعة إلا كحلقة فى صحراء، وما الرابعة فى الخامسة إلا كحلقة فى


صحراء، وما الخامسة في السادسة إلا كحلقة فى صحراء، وما السادسة فى السابعة إلا كحلقة فى صحراء، وما


السابعة فى الكرسى إلا كحلقة فى الصحراء، وما الكرسي في العرش إلا كحلقة فى الصحراء


تخيل لو بتقلع خاتم ...وبترميه في صحراء






حبه الصور دول


عرفوني


انا قد ايه زي ما كنت بسال في الاول


بس تسائلت اكتر.....اني من اصغر المخلوقات الي خلقها ربنا ....انا لا ارا لا بالعين المجرده ولا بالتليسكوب ولا


بسوبر عدسات ......ربنا يقولي صلي ليه ؟؟؟؟؟؟ ..حاشا لله ان كنت بسأل اعتراضا .....


طبعا الحكمه الالهيه ده شيء مقدرش اتدخل فيه


وقد يتحمل راي الصواب والخطا


لاكن لما تاملت ......قولت الله سبحانه وتعالي - والكل عارف كده - في غنا تماما عن صلاتك


واحد يقولي : يا عم ده كلام معتاد وعارفينه من كل الشيوخ


اقوله اسمعني بس .......مفكرتش برده ...رغم ان الله في كل هذا ...بيقولك صلي ليه


ولله المثل الاعلي ....طبعا حاشا لله اني اقارن ده بده بس انا عايز المبدا


الست الوالده لما تيجي تقولك ....زاكر ياهشام ....انت بتزاكرلها ؟؟؟؟؟ هتاخد هيا الشهاده ؟؟؟ وطبعا الكلام ده


بنسمعوا من الاباء كتير


بتقولك كده عشان تنجح وتكون انت سعيد


كذالك ربنا أمرك تصلي ..عشانك انت .....


هتقولي ازاي مش فاهم ؟؟؟؟؟؟


هقولك مثال بسيط : دلوقتي انا فراش ..شغال بميكروسوفت ..بمسح البلاط


هل انت بتمسح البلاط ...لكي تطور ميكروسوفت وتصبح اكثر ربحا ؟؟


ولا بتشتغل فيها عشان اكل عيشك


ولله المثل الاعلي


الله سبحانه وتعالي من رحمته البالغه الواسعه بيك ....قالك صلي


لييييه ....عشان الصلاه والفايده دي بتعود عليك انت .....سبعميه في الميه من الناس


ديما بتقول ..انا مدايق ومش عارف من ايه


واحد يقول ...مش لاقي اكل ....مش لاقي اشرب


مش لاقي اتجوز


تفتكر خالق الخلق ..خلقك وساب الدنيا كده ؟؟؟؟


الناس كلها بتعاني من مشاكل في حياتها


فعلا عشان مبتصليش.....ولما يحب يحسن حياته ..بيصلي


لذالك اكثر الي بيعانوا من مشاكل .....هما الي مبيصلوش


هات واحد محافظ علي الصلوات الخمسه ....وواقع في سبعين الف مشكله


هتلاقيه مرتاح نفسيا.....وراحته بتخليه يعرف يبقي مرن مع السبعين الف مشكله




بالتالي لما انت بتيجي تصلي....وعايز تتقن صلاتك ...والله يتقبلها ...عشانك انت


- طبعا بعيدا عن حب طاعه الله ده شيء اساسي لواحد متواصل مع الله -


لاكن انا بتكلم علي المبدا ....انت في الاصل بتعمل كل ده عشانك انت


ليه انا كنت عايز اقول كل ده


عشان في ناس.....والعياذ بالله ..لما بتصلي حتي الفروض الي عليها .والي هيا فروض يعني المفروض تعمل الي عليك


بيفتكر انه بقي عنده رصيد عند الله ..كافي....وانه الراجل تعب وشقي..وكتر خيره يعني


بقي راجل مقطع السجاده ..وبقي سوبر ماريو....ويجي مثلا يقولك ...انا عملت الي انت معملتهوش


وهو كل الي عملو انه صلي الفروض الي عليه ...


وبيجي فترات وبيتكاسل


نظرا انه افتكر ..وحاشا لله ...ان الله منتظره يؤدي فرضه


وانا اريد ان اصحي ضمير الناس دي


اتقان الصلاه ....وان الله خلي الصلاه فريضا اصلا....عشان تنعم بحياتك ...مش انتظارا من الله سبحانه وتعالي


حاشا الله


عشان كده ..انت لما بتيجي تصلي ..بتصليلك مش بتصلي لربنا
__________________________
_______________________________________________________


ملحوظه : اولا: ..يشهد الله سبحانه وتعالي اني


قاصد به وجه الله .....انا عارف ان المقدمه طويله .....ولكن ما هيا الي محاوله توسيع المدارك للانسان ...عشان


يستوعب الموضوع صح ..وابتعد عن التكرار.......بالنسبه لعنوان الموضوع .....فهو عباره عن لعب لفظي فقط


....ونسبه كبيره فهمته غلط .....هديكم مثال . انا بشتغل ليا ...مش بشتغل لشركتي....يعني انا بشتغل


عشاني انا....مش الشركه هيا الي عيزاني......كذالك من رحمه الله سبحانه وتعالي ان الصلاه فوائدها كلها


عايده عليك انت ......فانت لما بتيجي تصلي لربنا ..كل الي بتعمله ده عشانك انت ..فبردو انت بتصليلك ...ارجوا


ان تكونوا استوعبتوا الموضوع ....وبارك الله فيكم ..


هشام عفيفي
edit post
ايش رايك 
0 Responses

إرسال تعليق