كفاح الشعب المصري
الشعب المصري ...انها قصه كفاح ..ومعاناه والام الشعب المصري ...التي يعبر عنها الشعب
بابتسامه طفيفه ....
الراجل بتاع قناة الحياه : حلي ان كل البنزيمات يبقي فيها تمانين

البنزين

مصر دوله من ضمن كام دوله الي بتحط بنزين 80 --- بنزين تمانين ده كان من
ايام الملك فاروق ....لما اكتشفوا حاجه اسمها بنزين ....زمان كده لما كان الملك

فاروق بياخد المتسكل بتاعه يلف بيه في الحاره كان بيحط بنزين 80

البنزين ده بيحتوي علي كميه غازات تخلي الجبال الثلجيه ..جبال ثلجيه حمضيه

متسالنيش ازاي ......ومع ذالك رئه الشعب المصري تحتويه بكل صدر رحب ...متذكرا

بذالك الراجل الي بيجي في قناه الحياه يقولك : حلّي ان كل البنزيمات يبقي فيها

تمانين ......وانا بدعيلوا ديما ربنا يديلو وزاره الصحه ويكملها علي  خير 
-------------------------------------
اشرب واتهني

الماء


 - الميه في مصر ...الووتر .....مياه النيل ..مصدر مصر للمياه ...قد يقال ان هناك مياه



جوفيه بيجيبوا منها ميه بس المياه الجوفيه مش هتكفي تمانين مليون ..ومحدش

يقولي يعني هو التمانين مليون بيشربوا ميه ...مش عاوزين ذكاء زياده والنبي

الميه بتاعت النيل ...في زماننا الحالي ..بتحتوي علي قراميط من النوع الجيد ...صالح

للحرق......جميع انواع البلاستك والخشب والاسمنت وحديد عز والغاز بانواعه

طيب بيطهروها ازاااااااي ..تعلالي هنا ...طبعا مصر بتمتلك ...سبعين في الميه

من الكلور الي في العالم - نسبه وهميه للسخريه - كل ما تمتلكه مصر من الكلور

بتحطه في مياه النيل ..ليه بقي عشان تقتلك الحشرات ......مع ان الكلور ماده سامه

يعني لو شربت الحشرات هيبقي احسنلك

الميه بتجيلك من الحنفيه صافيه وزي الفل .....قد يكون فيها اللون الابيض ..بس

الشعب يقولك من ضغط الميه ..ومسمعوش عن حاجه اسمها كلور خالص

ولو عديت كبايه الميه دي علي الفلتر ..هتكتشف انك كنت بتشرب كبايه سبانخ
----------------------------------------------------------------------------------
يحيا الفول

الفول

- الفول ...مش هقول الاكل المصري ..لأ هو الفول ....جت انفلونزا الخنازير ..جت



انفلونزا الحمير جت انفلونزا الطيور ...حد يقدر يسد مع الفول ..ابدا ......

اسرائيل مره كانت حاطه ماده في النيل ..الي مليان الحاجات الي قولنا عليها .

ماده بتمنع القدره الجنسيه .....في نفس الوقت ..اكتشف في الفول ماده

بتمنع عمل الماده الي زرعتها اسرائيل ...والله معلومه حقيقيه

ربنا انعم مصر بالفول ...فليحي الفول ....الفول بيغلي كل فمتو ثانيه

والفول الاحمر الي بيبقي عند ناصيه الشارع كده قدام محمد حسن ...البقال ..

بتجيلو القدره بتاعت الفول محطوط عليها الرصاص .او مش فاكر الماده الي قلهالي

مستر الكيميا ..عشان تخلي الفول احمر ..ومع ذالك معده المصري ..تكسر الرصاص
---------------------------------------------------------- 3
"الاجره ورا"

المواصلات
- المواصلات ....يا عيني علي المواصلات ....حدث ولا حرج ....امبارح كنت راكب


فبدفع تمن التزكره ...الراجل خد نص جنيه واداني تزكرتين ...قولت يا انا اهبل ..يا هو

بيتزاكا بيقولي التزاكر بقت بنص جنيه قولتله امال فين التزكره الي مطبوع عليها

نص جنيه ..قالي امال هنودي ام ربع فين ...سكت وقولت .

- المكروباص بقي بجنيه وربع عشان البنزين غلي

- التكاسي السوده بميه وتلاتين جنيه عشان الغاز غلي

- المني باص الي المفروض يبقي تبع الحكومه بجنيه ونص ..بنزين بردو

- اكيد الكهربا غليت عشان كده المترو غلي ...

ماشي ....تتحرق المكروباصات علي المتروهات ...مالو الموتورجل
رحله سعيده-----------------------------------------------------
No comment :D

الاسعار -

: خش عليا واحده واحده واقرا نقطه نقطه

- رغيف العيش الغير مدعم . هتقولي ومالو المدعم يا حبيبي .. 5
مع فودافون .....اقصد مع الرغيف المدعم ...عيش احلي ما في الحشره


المدعم له سبعتلاف ميزه ايه الي ميخليكش تشتريه

اولا : يحتوي علي جميع انواع البروتينات

ثانيا : من اجود انواع القمح الروسي ..مستورد يعني

ثالثا : اثبتت التجارب ان الحشرات لها فوائد كثيره عائده علي الانسان ..لذالك يحتوي

علي اجود انواع الحشرات

رابعا : العيش الي بيتعامل كويس بيتغر وبياخد دقيق كتير ..العيش المدعم بيتعامل

اقذر معامله

خامسا : سعره زي الفل

ما علينا سيب المدعم في حاله ...العيش الغير مدعم ...الي هوا الحلو ده الي تعرف

تفتحو نصين ...بربع جنيه الرغيف ..وفي مناطق بيوصل لنص جنيه

ليه بقي عشان الدقيق غلي والقمح غلي ...مع ان الدقيق بيجي بالقمح ..

بس احصائيات الحكومه بتقول كده


- اسعار المواصلات اتكلمنا عليها بالتفصيل بس هناخدها باختصار
1 عدد واحد مكروباص = جنيه وربع للتوصيله ..ولو في امين شرطه بجنيه
الاجره جنيه وربع ..وشفولنا فكه في الايوم الاسود ده

2 عدد واحد مني باص = جنيه ونص ..عشان البنزين وسعر ورق التزاكر
ربنا ميوريكم

3 عدد واحد اتوبيس = بنص جنيه وهيغلوه قريب متخافش
مجزره


4 عدد واحد تكسي اسود = المشوار الصغير بخمسه ...والنص بعشره ..والطويل

تحسبها ازاي علي حسب الزحمه ومزاج السواق


5- عدد واحد تكسي ابيض = كسره العداد اتنين ونص ..والكيلو بجنيه ونص ..والكيلو
في التكسي الابيض متين متر بس


6 عدد واحد تاكسي العاصمه = كسره العداد بتلاته ونص ..والكيلو بجنيه وربع او

العكس مع التاكسي الابيض بس الكسره هيا هيا ..والكيلو في العاصمه ..عشرين

متر فجاه تلاقي العداد وصل لتمانيه جنيه وانت لسه متحركتش




7 التكتك ..بظروفه ملوش اسعار



ولكن الحمد لله وهذا فضلا ونعمه من عند الله سبحانه وتعالي ...وبفضل مجهودات

الدوله والضغط علي ميزانيه الدوله وديونها ----- منيو الخمسه لسه بخمسه ...

والحمد لله زائد نص جنيه ضريبه عشان مصلحتك اولا ..لان الضرايب بتوفرلك

المواصلات والدعم للعيش ودعم البنزين




--------------------------
------------------------------------------------


الصحه العامه
6 - الصحه العامه : تيفود - انفلونزا خنازير - انفلونزا الطيور - طاعون - جن كحلي

مفيش حاجه بتاثر في الشعب المصري ...العالم كلو مرعوب من انفلونزا الخنازير

واحنا صباح الفل ...خنازير مين يابا ربك بيسهلها وكما قال الكينج منير : ربك لما يريد

الفرخه بتتكلم ..والديك بيتعلم ...والكتكوت بيبيض

التيفود في الميه ......سمي واشرب وربنا يسترها

انفلونزا الطيور في الريف ...كل البيض وسيب الفرخه ..مع ان الفرخه المصابه مش

بتبيض ...انما في مصر بتبيض سبحان الله

الشعب المصري لا يتاثر بشيء اسمو وباء ..


--------------------------
------------------------------------------------


اخيرا ....قد استغرب من قوه وصلابه الشعب المصري ...فبعد كل ما كتبته

جاء في ذهني ان الشعب المصري ..هو اصلب شعوب العالم

اكثرها مرونه ...ازاي في شعب قادر يعيش مع كل ده

انا كل غرضي من كتابه هذا الموضوع ..بعث تحيه

للشعب المصري ...علي صبره وقوه كفاحه
هشام عفيفي
  • Fish